Posts Tagged ‘sariketa’


Osinalde bertso sariketaren 42. ekitaldirako osagai guztiak eltzean daude. Bihar, larunbata, jokatuko da sariketa, sei bertsolari gazterekin. Afaria 20:30ean hasiko da, eta ondoren izango da bertso saioa, 22:30-23:00ak aldera. Afaritarako txartel guztiak salduta daude. Saioa entzuteko, sarrera libre da.

Aurrez jokatu diren hiru sarieketetan bina lagunek jaso zuten Gabirian aritzeko txartela. Argi-Berritik (martxoak 9) Josu Oiartzabal azpeitiarra eta Nekane Zinkunegi errezildarra etorriko dira; Osinberdetik (martxoak 16) Iñaki Aleman iruritarra eta Nerea Ibartzabal markinarra; eta Aztiritik (martxoak 23) Peio Ormazabal arrigorriagarra eta Imanol Uria algortarra.

Saioa 42.a den arren, irabazlea 41.a izango da, 1996an ez zelako sariketa izan, 25. urteurreneko saio berezia baizik. Garaile guztiak, hemen.


Osinalde sariketaren palmaresa, urtez urte.

Abizenean klikatuta, Bertsozale Elkartearen datu basera irispidea, bakoitzaren biografia, bertso-lanak eta bertsolari-ibilbidea ikusteko.

IRABAZLEEN ZERRENDA

  1. 1971, Patxi Iraola (Zaldibia).
  2. 1973, Luis Otamendi (Aia).
  3. 1974, Xabier Zeberio (Itsasondo).
  4. 1975, Joxe Izagirre Attola (Azkoitia).
  5. 1976, Mikel Mendizabal (Itsasondo).
  6. 1977, Juan Inazio Begiristain (Ataun).
  7. 1978, Jose Luis Mugartza Elgetzu (Mallabia).
  8. 1979, Xabier Arrizabalaga Ziarda (Elgoibar).
  9. 1980, Millan Telleria (Albiztur).
  10. 1981, Xalbador Laka (Ondarroa).
  11. 1982, Jon Sarasua (Aretxabaleta).
  12. 1983, Xabier Perez Euzkitze (Azpeitia).
  13. 1984, Juan Jose Eizmendi Loidisaletxe II.a (Errezil).
  14. 1985, Pablo Joxe Aristorena (Hernani).
  15. 1986, Joxe Mari Izeta (Usurbil).
  16. 1987, Xabier Narbarte (Lazkao).
  17. 1988, Joxe Ramon Elortza (Ormaiztegi).
  18. 1989, Joxe Munduate (Ataun).
  19. 1990, Bernardo Azpillaga (Errezil).
  20. 1991, Igor Elortza (Durango).
  21. 1992, Maialen Lujanbio (Hernani).
  22. 1993, Aitor Sarriegi (Beasain).
  23. 1994, Pablo Suberbiola (Lasarte).
  24. 1995, Bixente Gorostidi (Amezketa).
  25. *1996, 25. urteurreneko saioa (lehiaketarik ez).
  26. 1997, Jexux Mari Irazu (Larraul).
  27. 1998, Nahikari Gabilondo (Zarautz).
  28. 1999, Arkaitz Goikoetxea (Oiartzun).
  29. 2000, Nerea Elustondo (Legazpi).
  30. 2001, Ainhoa Agirreazaldegi (Bergara).
  31. 2002, Iker Zubeldia (Zegama).
  32. 2003, Iñaki Apalategi (Beasain).
  33. 2004, Oihana Bartra (Bilbo).
  34. 2005, Aritz Aranburu (Zarautz).
  35. 2006, Iban Urdangarin (Ataun).
  36. 2007, Aitzol Barandiaran (Ataun).
  37. 2008, Uxue Alberdi (Elgoibar).
  38. 2009, Maddalen Artzallus (Hendaia).
  39. 2010, Mikel Artola (Alegia).
  40. 2011, Ane Labaka (Lasarte).
  41. 2012, Amaia Iturriotz (Urretxu).

*1972an ez zen antolatu, eta 1996an mende laurdena ospatzeko saioa egin zen (ez lehiaketa), ordura arteko partaide batzuekin.


Osinalde bertso sariketaren 42. ekitaldia gorpuztu dute antolatzaileek. Ohi bezala, Errege egunaren hurrengo egunean (urtarrilaren 7a astelehena zen aurten) elkartu ziren. Azken urteetako egitura bera edukiko du lehiaketak: aurrez hiru saio jokatuko dira, seina bertsolari ariko dira bakoitzean, bertsolari gazteak dira, eta afaria izango da aurretik. Tokiei dagokienez, aldaketa garrantzitsu bat badago, hala ere: Idiazabalgo Axari sariketa desagertu egingo da, eta haren lekua Zaldibiako Osinberde sariak hartuko du. Ordiziako Argi-Berri eta Aztiri dira gainontzeko bi sariak.

Bakoitzetik bina bertsolari sailkatuko dira, epaimahaiak puntuz izendatuak, Osinaldeko finala jokatzeko. Saio bakoitzean, entzuleek sarituko dute gaueko bertsolari gustukoena, lekuan lekuko garaikurra emanez: Ordizian Txikia saria, Aztiri saria herriko auzoan, eta berdin Osinberden. Aurretiazko saioak martxoan zehar jokatuko dira. Argi-Berrikoa hasiko da, martxoaren 9an; Osinberde hurrengoa, hilaren 16an, eta Aztirikoa azkena, martxoaren 23an. Osinalde sariketa apirilaren 6an da. Guztiak larunbatak dira.

Sarean dagoeneko ari da sariketa girotzen. Rufino Iraolak Twitterren antolatzaileak goraipatu ditu: “Badute meritua Eusebio Igarzabalek, Iñaki Muruak eta abarrek, eurak pentsatzen duten baino gehiago estimatzen ditut”.

Saioz saio, bertsolari hauexek ariko dira kantuan. Aurten ez dago gabiriarrik. Goierritarra ere bakarra. Antolatzaileek asko begiratzen diote lurraldetasunari, eta aipagarria da aurten sei euskal herrialdetako bertsolariak ariko direla: gipuzkoarrak 8; bizktaitarrak 3; nafarrak, arabarrak eta lapurtarrak bina; eta zuberotarra bat.

1. Argi-Berri Saria (martxoak 9, Argi-Berri elkartea, Ordizia. 20:30ean afaria)

  • Aitzol Iturbe (Antzuola, Gi).
  • Josu Oiartzabal (Azpeitia, Gi).
  • Ainhoa Comas (Amurrio, A).
  • Paula Amilburu (Aramaio, A).
  • Aitor Salegi (Zestoa, Gi).
  • Jokin Bergara (Eibar, Gi).

2. Osinberde Saria (martxoak 16, Osinberde elkartea, Zaldibia. 20:30ean afaria)

  • Iñaki Aleman (Irurita, Na).
  • Nerea Ibarzabal (Markina-Xemein, Bi).
  • Josu Sanjurjo (Lesaka, Na).
  • Nekane Zinkunegi (Errezil, Gi).
  • Maindi Murua (Azkaine, La).
  • Joanes Etxaide (Zegama, Gi).

3. Aztiri Saria (martxoak 23, Aztiri-Bat elkartea, Aztiria. 20:30ean afaria)

  • Maddi Ane Txoperena (Hendaia, La).
  • Imanol Uria (Algorta, Bi).
  • Eneritz Artetxe (Azkoitia, Gi).
  • Peio Ormazabal (Arrigorriaga, Bi).
  • Imanol Irazustabarrena (Alegia, Gi).
  • Joanes Etxeberria (Barkoxe, Zu).

4. Osinalde Saria: apirilak 6, Osinalde elkartea, Gabiria. 20:30ean afaria. Aurreko hiru saioetan sailkatutako bina bertsolarirekin.

Bien bitartean, iazko Osinalde sariko (2012-4-14) bideoa gozagarri, Gotzon Aranburu kazetariak egina:


Bederatzi sari. Nekazaritzaren egoera aipamenek eta azoketan ematen dituzten sariek neur baldin balezakete, horixe eman du atzoko Santa Lutzia feriak, Zumarragan eta Urretxun ospatuak. Herriko lau baserritakoek jaso dute sariren bat. Ugarien, aurreko urteetan bezala, Bekoetxekoek: lau sari. Ondoren, Agerreberrikoek hiru lortu dituzte, eta Landetakoek eta Izar Aundikoek bana.

Hauek dira sariak, atalka:

Urretxuko Barazki eta Fruta Sariketa

  • Barazki sariketan: Antonia Murgiondo (Bekoetxe baserria): 300 euro eta 100 euro Eskualdeko Saria.
  • Fruta sariketan: Antonia Murgiondo (Bekoetxe): 300 euro eta 100 euro Eskualdeko Saria.

Bekoetxekoak lau sarietako bat jasotzen. Arg.: http://www.santalutzi.com

Zumarragako Barazki, Fruta eta Errezil Sariketa

  • Barazki sariketan: Maria Etxezarreta Garmendia (Agerreberri): 300 euro eta plaka eta 100 euro eskualdeko saria;  Antonia Murgiondo Alustiza (Bekoetxe): 300 euro eta plaka eta 100 euro eskualdeko saria.

Agerreberrikoak, saria jasotzen. Arg.: http://www.santalutzi.com

  • Fruta sariketan: Antonia Murgiondo (Bekoetxe): 300 euro eta plaka eta 100 euro eskualdeko saria; Maria Etxezarreta Garmendia (Agerreberri): 300 euro eta plaka eta 100 euro eskualdeko saria.
  • Errezil sagar sariketan (lau sarituetako bi): Maria Isabel Zumalakarregi Altzueta (Izar Aundi): 200 euro eta plaka eta 100 euro eskualdeko saria; Maria Etxezarreta Garmendia (Agerreberri): 200 euro eta plaka eta 100 euro eskualdeko saria.

Agerreberriko Tomas, errezil sagarrekin. Arg.: http://www.santalutzi.com

Zaldi Abere Sariketa

  • Ezkio-Itsaso, Gabiria, Legazpi, Ormaiztegi, Urretxu eta Zumarragako abere talde onena: Jose Ramon Peñagarikano Alustiza (Landeta): 250 euro eta zintzarria.

Landetakoak saria jasotzen. Arg.: http://www.santalutzi.com