Eroritako zuhaitzek eragozpen handia sortu dute

Posted: 2013/02/13 in Azpiegiturak, Herria, Natura
Tags: , , , , , , , , ,

Kalte eta txikizio handiak gertatu ziren azken egunetan euriteengatik. Atzo, errepide askotan eroritako zuhaitzek oztopoa bata bestearen atzetik sorrarazi zuten. Azken egunetako eurite mardulez gain, eta atzo bota zuen elurragatik, arbola asko erori ziren bideetara. Udaletik jakinarazi dutenez, Urruti aldean pinu “dezente” erori ziren, eta bidea moztuta egon zen zirkulazioarentzat hainbat momentutan. Udalak kontratatutako langileek zabaldu zuten bide hori, makinariarekin.

Etxeberri Bizkaiko bihurgunean makal bat erori zen, bazterreko egurrezko babes-hesiaren gainera; bidearen erdi-erdira jausita geratu zen. Meategietarako bidean, Errotaetxetik Aranburuko bidegurutzeraino ere, pinu mordoa erori zen. Handik gora, meategietatik Aztirirako bidean, Bekoetxeko sagasti barreneko bihurgunean, pinu bat erori eta argindar linea kaltetu zuen, hormigoizko zutoina kable eta guzti botata.

Atzo goizean, bestetik, Beasain-Brinkola tren zerbitzua moztuta egon zen, Gabiria parean trenbidera zuhaitz batzuk erori zirelako. Arratsaldean oraindik tren zerbitzua erabat bere onera etorri gabe zegoen, Renfeko iturrien arabera “arazo teknikoak” zeudelako. Gi-632 autobidean ere oztopatu zuen elurrak zirkulazioa. Istripu ugari gertatu ziren goizean, eta zenbait unetan geratuta egon ziren ibilgailuak.

Negualdiko lehen elurte ‘serioaren’ aurpegi alaia –paraje ikusgarriak— iruditan jarri dute, bestetik, Facebookeko zenbait erabiltzailek. Hemen batzuk:

This slideshow requires JavaScript.

Utzi erantzun bat

Fill in your details below or click an icon to log in:

WordPress.com Logo

You are commenting using your WordPress.com account. Log Out / Aldatu )

Twitter picture

You are commenting using your Twitter account. Log Out / Aldatu )

Facebook photo

You are commenting using your Facebook account. Log Out / Aldatu )

Google+ photo

You are commenting using your Google+ account. Log Out / Aldatu )

Connecting to %s